Wie is SA se 2008 Onderneming van die Jaar?
Met erkenning, publisiteit en pryse van meer as R100 000 op die spel, word ondernemings landwyd weereens uitgenooi om mee te ding vir die titel van Onderneming van die Jaar.

Die kompetisie, wat onder die vaandel van die die AHI aangebied word, met Old Mutual as hoofborg, stel hom ten doel om algehele profiel van ondernemings in die land te verhoog.

Deur die kompetisie beoog die AHI en Old Mutual voorts om ʼn gesonde kultuur van mededinging binne die sakesektor te vestig asook om die algehele vlak van dienslewering landwyd te verbeter. Die kompetisie identifiseer en gee erkenning aan ondernemings wat uniek is, wat uitstekende diens lewer en wat ʼn bydrae tot werkskepping maak.

Kompetisie kategorieë
Kategorie 1: Ope afdeling vir ondernemings met ʼn jaarlikse omset van R15 miljoen of meer.
Kategorie 2: Kleinsake-afdeling vir ondernemings met ʼn jaarlikse omset van minder as R15 miljoen.

Pryse
Die algehele wenner in elk van die kategorieë sal R25 000 kontant ontvang, gratis mediablootstelling asook ʼn Onderneming van die Jaar trofee en sertifikaat. Elk van die naaswenners in die twee kategorieë sal R15 000 kontant ontvang en gratis mediablootstelling. Die derde plek wenners sal elk R10 000 kontant ontvang asook gratis mediablootstelling.

Wie mag deelneem?
Alle diens- handel- of industriële ondernemings wat produkte vervaardig, of dienste lewer mag deelneem. Enige eienaar, of bestuurslid van ʼn onderneming wat aan die kompetisie-kriteria voldoen mag ʼn onderneming nomineer of inskryf vir die kompetisie.

Enige derde party, wat glo dat ʼn bepaalde onderneming of maatskappy aan die kriteria van die kompetisie voldoen, mag sodanige onderneming nomineer of inskryf, maar met die toestemming van die eienaar, of bestuur van daardie maatskappy.

Hoe om in te skryf?
Inskrywingsvorms en verdere inligting is beskikbaar by www.oldmutual.co.za/enterprise. Ondersteunings dokumente moet gepos word aan: Onderneming van die Jaar Kompetisie, Posbus 43297, Industria, 2042. Deelname is gratis en die sluitingsdatum is 15 Julie 2008.
 

Moenie Old Mutual se landwye werkwinkels vir familie-ondernemings tussen April en Augustus misloop nie. Vir nader inligting, besoek www.oldmutual.co.za of skakel Tracy Kroukamp by (021) 509-2462.